Astanada Tuńǵysh Prezıdent kúni avtoparkterde, janar-jaǵarmaı quıý beketteri men bazarlarda atap ótiledi
ASTANA. 28 qarasha. QazAqparat - 1 jeltoqsan - QR Tuńǵysh Prezıdenti kúninde Astana qalasyndaǵy janar-jaǵarmaı quıý stansylarynda,
saýda-oıyn saýyq ortalyqtarynda, № 1,2,3,4,5,6,7,8,9 avtoparkterde, sondaı-aq Shanhaı bazarynda «Biz Prezıdentpen birgemiz!» atty aktsııa ótkiziledi. Bul týraly qala ákimdiginiń resmı saıtyna Jastar saıasaty máseleleri jónindegi basqarmadan málim etti.
Arnaıy kıimder kıgen jastar «1 jeltoqsan - Tuńǵysh Prezıdent kúni» jazýlary bar stıkerlerdi avtokólik quraldarynyń áınekterine, barlyq jolaýshylar avtobýstaryna jabystyratyn bolady. Onymen birge, aktsııa barysynda qala turǵyndarymen suraq-jaýap saıystary uıymdastyrylady, eń belsendi qatysýshylar kádesyılar alady.
