Astanada tuńǵysh mamandandyrylǵan mıýzıkl teatry shymyldyǵyn ashady
ASTANA. QazAqparat - 12 qazan kúni «Qazaqkontsert» memlekettik kontserttik uıymynyń» ashylý saltanaty ótedi. Osyǵan oraı, «Qazaqkontsert» MKU» negizinde qurylǵan «Astana Musical» teatry kórermen nazaryna usynylady. Tusaýkeser qoıylym - «Dostar serti» spektakli.
Mıýzıkl jelisi boıynsha elimizdiń ár óńirinen konservatorııaǵa oqýǵa kelgen tórt jigittiń basynan keshken qyzyqty oqıǵalary, jastyq shaq, dostyq pen mahabbat jaıy baıandalady. Oqıǵa 60-70-shi jyldar kezeńinde órbıdi. Mıýzıklǵa sol jyldarda áıgili bolǵan, qazaq mýzykasynyń «altyn qoryna» engen: Sh.Qaldaıaqov, E.Hasanǵalıev, «Dos-muqasan» tobynyń ánderi arqaý bolady. Álemdik mýzykanyń jaýharlary Frankel, Bıtlz repertýarynyń shyǵarmalary oryndalady. Sondaı-aq, jańa stılıstıkalyq baǵytta jazylǵan kompozıtsııalar da bar. Lıbretto avtory- QR eńbek sińirgen qaıratkeri - Baqyt Qaıyrbekov, dramatýrg - Ánnas Baǵdat. Qoıylym mýzykasyn jazǵan respýblıkaǵa tanymal dırıjer, QR eńbek sińirgen qaıratkeri - Artýr Orenbýrgskıı. Mıýzıkl rejısseri- Eslıam Nurtazın.
«Astana Musical»- elimizdegi tuńǵysh mamandandyrylǵan mıýzıkl teatry. Spektaklde jas akterlar óner kórsetedi. Olardyń bári de irikteýden ótken: vokal, bı jáne akterlik sheberlikti jetik meńgergen kásibı mamandar. Mıýzıklde jeke oryndaýshylar «Akademııa solıstov» memlekettik kameralyq orkestri men T.Júrgenov atyndaǵy óner akademııasynyń «Big band» ansambliniń súıemeldeýimen jandy daýysta án shyrqaıdy.
«Astana Musical» teatrynyń maqsaty - elordanyń mádenı áleýetin arttyrý jáne teatr qyzmetiniń alýan túrli janryn keńeıtý. Elimizdegi eń iri kontserttik qurylym «Qazaqstan» kontsert zalynyń bar múmkindigin paıdalana otyryp, ártisterdiń sheberligin shyńdaý, kásibıligin arttyrý. Aldyńǵy qatarly tehnologııalarmen jabdyqtalǵan keshende esimi elge áıgili óner juldyzdarymen tyǵyz baılanys jastarymyzdy álemdik deńgeıde tanytý.
«Qazaqkontsert» memlekettik kontserttik uıymynyń» ashylý saltanatyna, elimizdiń mádenıet jáne óner salasyndaǵy belgili tulǵalary, qoǵam qaıratkerleri, memlekettik laýazym qyzmetkerleri men BAQ ókilderi qatysady dep josparlanǵan.
