Astanada tuńǵysh kóshpeliler mýzeıi ashylady (FOTO)
ASTANA. QazAqparat - Osymen 9-shy jyl qatarynan Elorda kúni qala qonaqtaryna kórermendi búgingi kúnniń qarbalas tirshiliginen tarıh tereńine, Uly dala kóshpelileriniń zamanyna jeteleıtin eki aýqymdy shara usynylyp keledi. Bul - «Myńjyldyqtar toǵysyndaǵy Astana» kóshpeliler órkenıeti festıvali jáne dástúrli túrki mýzyka ónerine arnalǵan «Astana arqaý» festıvali. Bul týraly Astana qalasynyń mádenıet basqarmasy habarlady.
Shildeniń 3-inen 6-syna deıin ótip jatqan «Myńjyldyqtar toǵysyndaǵy Astana» festıvaliniń ár kúni qonaqtarǵa kóptegen mádenı sharalar syılaıdy. Solardyń qatarynda - ult-azattyq kóterilistiń 100 jyldyǵyna arnalǵan «Ereýil atqa er salmaı» epıkalyq ánder kontserti, Jambyl Jabaevtyń 170 jyldyǵyna arnalǵan kontsert, Dánesh Raqyshevtiń 90 jyldyǵyna arnalǵan dáris-kontsert, QR Táýelsizdiginiń 25 jyldyǵyna arnalǵan «Qońyraýly naıza» epos keshi jáne t.b.
Festıvaldiń árbir kúni Nurlan Ónerbaev, Sáýle Janpeıisova jáne Erlan Rysqalı syndy artısterdiń, sondaı-aq, «Sazgen sazy», «Hassaq», «Saryarqa» sııaqty folklorlyq-etnografııalyq ansamblderdiń shyǵarmashylyq keshterimen aıaqtalady.
Sonymen birge, shara ótetin kúnderi kórermender Jaıdarbek Kúnǵojınovtyń jetekshiligindegi, at qulaǵynda oınaıtyn «Nomad» kaskaderler tobynyń sheberlikterin tamashalaıtyn bolady. «At jalynda» shoý-baǵdarlamasyna Qytaıda jáne Gollıvýdta joǵary baǵalanǵan ujymnyń 25 sportshysy qatysady.
Kóshpeliler turmysyn kıiz úısiz elestetý múmkin emes! Dala kóshpelileriniń kóne úıleri etnoqalashyqqa kórik berse, onyń dál ortasyna festıvaldiń basty kontsert alańyna aınalatyn alyp shatyp tigiledi.
Festıval kúnderi tańǵy saǵat 11-den 22.30-ǵa deıin qonaqtar qolóner sheberleriniń jármeńkesin aralap, ata-babalarymyzdyń baı tarıhy men mádenıetimen tanysyp, áser eterlik ınstallıatsııalardy, sheberlik dáristerin jáne sporttyq jarystardy tamashalaı alady. Bıylǵy festıvaldiń jańalyǵy Kóshpeliler murajaıy bolmaq. Bes kıiz úıden turatyn murajaıda qonaqtar kóne kóshpeliler mádenıetiniń jádigerlerimen jáne eskertkishterimen tanysýǵa múmkindik alady.
Taǵy bir mańyzdy shara - «Astana Arqaý» festıvali shildeniń 4-inen 6-syna deıin jalǵasady. Túrki mýzykasynyń úzdik oryndaýshylarynyń kontsertteri «Astana Opera» teatrynyń kameralyq zalynyń sahnasynda, al festıvaldiń saltanatty jabylýy «Han Shatyr» SOO mańyndaǵy etnoqalashyqtyń alańynda ótedi.
Bıylǵy festıval saha, gagaýz, altaı, qyrǵyz, túrik, túrkmen, ózbek, qumyq, ázerbaıjan, qaraqalpaq, noǵaı halyqtary ókilderiniń basyn qosyp otyr, sondaı-aq, sharaǵa alǵash ret qatysý úshin Astanaǵa qyrym tatarlary jáne Iran jerindegi túrkitildes halyq - qashqaılar keledi. Shetelden kelgen ónerpazdar qazaq ánderin de oryndaıtyn bolady.
