Astanada tuńǵysh qazaqstandyq messendjer tanystyryldy
ASTANA. QazAqparat - Búgin QR Prezıdenti janyndaǵy Ortalyq kommýnıkatsııalar qyzmetinde "Aıtys" (iTys) atty tuńǵysh qazaqstandyq messendjerdiń tanystyrylymy boldy.
Memlekettik tildi damytý qorynyń dırektory Azat Sháýeev pen joba jetekshisi Dáýit Shaıhıslamovtyń aıtýynsha, bul shartarapqa tarap ketken Whatsapp-tyń qazaqstandyq balamasy bolmaq. ıAǵnı iTys tuńǵysh ret qazaqstandyq mamandar jasap shyǵarǵan jedel habar almasýǵa arnalǵan mobıldik qosymsha.
"iTys orys jáne aǵylshyn tilderinde ǵana emes, eń bastysy qazaq álipbıiniń barlyq áripterin paıdalanyp, memlekettik tilde habar almasýǵa bolatyndyǵymen erekshelenedi. Bul ony qazirgi kezde qoldanysta júrgen belgili messendjerlerden daralap, árbir qazaqstandyqqa arnalǵan, tolyqtaı ulttyq ІT-ónim retinde tanyta alady. Jańa otandyq ónim memlekettik tildi damytýda, úsh tuǵyrly til jáne qazaq tilin qarqyndy damyp kele jatqan aqparattyq ortaǵa beıimdeý týraly Elbasy Nursultan Nazarbaev júktegen mindetterge tolyǵymen saı keledi", - dep atap ótti A. Sháýeev.
Onyń aıtýynsha, iTys qosymshasynyń eń basty ereksheligi - onyń ulttyq mánerde aıshyqtalǵan, memlekettik tilde qoldanýǵa bolatyn eksklıýzıvti ınterfeısi men máziri.
"ıAǵnı iTys-taǵy ıýarlyq smaılıkter qazaqtyń ulttyq naqyshynda jasalǵan. Sonymen qatar, qosymshanyń taǵy bir mańyzdy qyry - basqa messendjerler sııaqty qoldaný úshin tólem talap etpeıdi. Kez kelgen adam ony iTys.kz saıtynan tegin júktep alyp, tegin qoldana alady. Osynyń barlyǵy habar almasýǵa arnalǵan tuńǵysh qazaqstandyq mobıldi qosymsha - iTys-ty tek tartymdy, qyzyqty etip qoımaı, Qazaqstannyń kez kelgen turǵyny úshin meılinshe qoljetimdi etedi", - deıdi A. Sháýeev.
iTys-tyń taǵy bir ereksheligi - onda jeke hattardyń qupııalylyǵyn saqtaýǵa múmkindik beretin habarlamalardy avtomatty túrde óshirý fýnktsııasy bar. Mundaı qyzmet álemdegi bir de bir messendjerde joq.
A. Sháýeevtiń aıtýynsha, iTys sonymen qatar ony jetildirýge árbir qazaqstandyq óz úlesin qosa alatyn halyqtyq messendjer bolyp tabylady.
Aıta keteıik, qazirgi tańda qosymshany júkteý Android operatsııalyq júıesi bar smartfondar úshin qoljetimdi. Jobany jasaýshylar jeltoqsan aıynda iOC platformasyna shyǵýdy kózdep otyr.
Joba jetekshileriniń aıtýynsha, bolashaqta iTys aıasynda tegin dybystyq qońyraýlar, qazaq tiliniń avtokorrektory, grafıkalyq redaktor, sondaı-aq ulttyq úlgidegi jańa anımatsııalar men stıkerler qyzmetin qosý kózdelip otyr.
