Astanada tuńǵysh qazaqstandyq halyqaralyq «Shaı. Kofe. Kakao-2011» kórmesi ótip jatyr
ANA. 17 naýryz. QazAqparat /Aınur Kenebaeva/ - Astanada «Kórme» kesheninde tuńǵysh qazaqstandyq halyqaralyq «Shaı. Kofe. Kakao-2011» kórmesi ótýde.
«Shaı. Kofe. Kakao-2011» kórmesi shaı, kofe, kakao, kofe qaınatý qurylǵylary, ydys-aıaqtar men quramynda kofe, shokolad bar kosmektıkalyq zattar jabdyqtaýshylaryn biriktirgen alǵashqy mamandandyrylǵan kórme bolyp tabylady.
Naýryzǵa oraılastyryla ótkizilip jatqan sharaǵa QR Saýda-ónerkásip palatasynyń qoldaýymen «CCI Expo» JShS jetekshilik etti.
Shara sheńberinde kondıterlik taǵamdar kórmesi, taqyryptyq dóńgelek ústelder, shaı, kofe, kakao degýstatsııasy ótip jatyr. Sonymen qatar búgin «Barıst saıysy» atty kofe ázirleý sheberleri arasynda jarys uıymdastyrylmaq.
«Búgingi halyqaralyq kórme dástúrli sharaǵa aınalyp, bolashaqta dúnıejúzilik shaı-kofe festıvalin Qazaqstanda uıymdastyrýǵa jol ashatyn ıgi bastamaǵa aınalsyn», - dedi sharanyń ashylý saltanatynda kirispe sóz sóılegen Astana qalasy kásipkerlik pen ónerkásip basqarmasynyń bastyǵy Ryskúl Qaýǵabaeva.
Búgingi kórmege elimizben qatar Ázirbaıjan, Indonezııa, Úndistan, Grýzııa jáne Reseı elderiniń ókilderi qatysýda.
