Astanada tuńǵysh Eýrazııalyq qurylys salasy kongresi ótedi
ASTANA. QazAqparat - Qazaqstannyń bas shaharynda 2-3 jeltoqsan kúnderi tuńǵysh Eýrazııalyq qurylys salasy kongresi ótedi. Shara quryltaıshysy - QR Ulttyq kásipkerler palatasy, al uıymdastyrýshysy - «QazEkspoServıs» kórme kompanııasy, dep habarlaıdy kongrestiń baspasóz qyzmeti.
Atalǵan kongreske EAEO-nyń qurylys salasyndaǵy basty sarapshylary men barlyq múddeli toptary, memlekettik qurylymdardyń, qurylys kompanııalarynyń, salalyq qaýymdastyq jáne keńesterdiń basshylary, ónim jáne túrli jabdyqtar shyǵarýshylar, ǵylymı jáne bilim berý mekemeleri, qarjylyq ınstıtýttar jáne t.b atsalysady.
Kongress barysynda qatysýshylar ekonomıkanyń aldaǵy damýy, qurylys salasynyń máseleleri men bolashaǵy týraly oı bólispek. Sondaı-aq, úsh el - Qazaqstan, Belarýs jáne Reseı elderiniń qurylys ındýstrııasyn damytý úshin jańa sheshimder men ıdeıalar oılap tabý, «EKSPO-2017» kórmesine daıyndyq sekildi keleli máselelerdi talqylamaq.
