Astanada tuńǵysh ret qazaq kúresinen «Bala Muqan» respýblıkalyq týrnıri ótti

ASTANA. KAZINFORM – Astana qalasynda jasóspirimder arasynda tuńǵysh ret qazaq kúresinen «Bala Muqan» respýblıkalyq týrnıri ótti.

Atalǵan birinshilikte jalpy komandalyq esepte Qostanaı oblysynan kelgen búldirshin balýandar top jardy. Ekinshi oryndy Almaty oblysynyń jetkinshekteri jeńip alsa, úzdik úshinshi oryndy Astana qalasynyń jas balýandary qanjyǵasyna baılady.

Jalpy jarysqa elimizdiń ár óńirinen kelgen 800-ge jýyq balýandar qatysty.

«Qara kúsh qana emes, ulttyq rýhtyń da synalatyn alańynda aıqasqan balalar erteńgi kúni eldiń namysy, ulttyń uıytqysyna aınalýy ábden múmkin. Elimizde balalar arasynda án, bı, jyr baıqaýy kóp qoı, biraq ulttyq sporttan ótip otyrǵan biregeı «BALA MUQAN» týrnıri óziniń jemisin qazirdiń ózinde berip jatyr. Bul jarystyń maqsaty bilegi ǵana kúshti balany emes, bilimi, aqyly, parasaty, namysy myqty uldardy qalyptastyrý!», - deıdi jarysty uıymdastrýshylar.