Astanada túngi ýaqytta ata-anasynyń qaraýynsyz júrgen jasóspirimderge reıd júrgizilýde
ASTANA. 22 shilde. QazAqparat - Jasy 18-ge tolmaǵan, alaıda ýaqytyn saýyq-saıran qurýmen ótkizip júrgen jasóspirimderdiń joly kesilýde. Astana qalasy Jastar saıasaty máseleleri basqarmasy men «Basis» resýrstyq ortalyǵy quqyq qorǵaý organdarymen birlesip túngi 22:00-den keıin ata-anasynyń qaraýynsyz demalys oryndary men oıyn-saýyq ortalyqtaryn jaǵalaǵan jetkinshekterdi anyqtaý maqsatynda barlaý júrgizildi.
«Bul shara 2011-2013 jylǵa arnalǵan jasóspirimder arasynda quqyq buzýshylyqtyń aldyn alý baǵdarlamasy aıasynda ótip jatyr. Atalmysh baǵdarlama aıasynda sáýir aıynan bastap Astana qalasynyń barlyq aýdandarynda reıdter ótkizildi. Sol reıd barysynda 57 quqyq buzýshylyq anyqtaldy. Sonyń ishinde 3 jasóspirim ІІD ıývenaldy polıtsııa bólimshesine esepke turǵyzyldy», - dedi Astana qalasy Jastar saıasaty máseleleri basqarmasynyń bas mamany Alpamys Ábenov.
Astana.kz saıtynyń jazýynsha, «Men jáne Zań» jobasyn júzege asyrý maqsatynda ótkizilgen reıd Esil aýdanynan bastaldy. Onda túngi klýb, ınternet klýb, dámhana, meıramhana, qala kósheleri tolyqtaı tekserildi deýge bolady. Tekserý nátıjesi boıynsha ata-anasynyń qaraýynsyz Báıterek monýmenti aldynda sýretke túsirip nápaqa taýyp, kompıýter klýbynda oıyn oınaýmen ýaqytyn ótkizgen 6 jasóspirim ustaldy.
ıÝvenaldy polıtsııa tobynyń ınspektory Aıda Qusaıynovanyń aıtýynsha, jetkinshekterdiń úsheýi Qaraǵandy qalasynyń turǵyndary eken. Endi mundaıǵa jol bergen kompıýter klýbynyń ákimshiligi QR Ákimshilik quqyq buzýshylyq týraly kodeksiniń 112. 1-1-baby boıynsha jaýapqa tartylady. Al túngi ýaqytta qaraýsyz júrgen 6 bala Astana qalasy №13 polıtsııa bólimshesine jetkizildi. Endi olardyń ata-analary atalǵan kodekstiń 111, 336. 4-1-baptary boıynsha jaýapqa tartylady.
Qoǵamdyq tártipti qalyptastyrýdy maqsat etetin shara 26 shildede Almaty aýdanynda jalǵasyn tabady.
