Astanada túngi klýbtan shyqqan kúıi iz-túzsiz joǵalyp ketken kelinshektiń óli denesi tabyldy
ASTANA. QazAqparat - Astanada túngi klýbtan shyqqan kúıi iz-túzsiz joǵalyp ketken jas kelinshek óli tabyldy. Bul týraly Astana qalalyq ІІD baspasóz qyzmeti habarlady.
«26 maýsym saǵat 12:00 shamasynda Prıgorodnyı kentiniń janyndaǵy aǵashtardyń arasynda osyǵan deıin iz-tússiz joǵalyp ketken azamatsha Sybanbaevanyń zorlyq belgileri bar máıiti tabyldy. Tergeý amaldarynyń barysynda týystary qaıtys bolǵan azamatshany tanydy», delingen habarlamada.
Qazir osy oqıǵa boıynsha QR QK-niń «kisi óltirý» baby boıynsha sotqa deıingi tergeý júrgizilýde. Tıisti saraptama taǵaıyndaldy. Tergeý múddesine oraı jasalynǵan qylmysqa baılanysty basqa da málimetter jarııalanbaıdy.
Eske sala ketsek, 9 maýsymda Astana qalasy aýmaqtyq ІІB kezekshi bólimine 18 maýsymda saǵat 03:00-de týysy Baldyrǵan Sybanbaeva «Retro» túngi klýbynan shyǵyp ketip, sodan qaıtyp oralmaǵany jaıly shaǵymdanǵan.
