Astanada túngi klýbtan shyqqan kúıi iz-túzsiz joǵalǵan qyz izdestirilip jatyr
ASTANA. QazAqparat - Polıtsııa qyzmetkerleri habar-osharsyz ketken Baldyrǵan Sybanbaevanyń qaıda ekenin anyqtaý boıynsha jedel izdeý sharalaryn júrgizýde, dep habarlaıdy Astana ІІD baspasóz qyzmeti.
19 maýsymda Astana qalasy aýmaqtyq ІІB kezekshi bólimine 18 maýsymda saǵat 03:00-de onyń týysy Baldyrǵan Sybanbaeva «Retro» túngi klýbynan shyǵyp ketip, sodan qaıtyp oralmaǵany jaıly shaǵymmen júgindi, onyń qazirgi ýaqytqa deıin qaıda ekeni belgisiz.
Onyń qaıda ekenin anyqtaý úshin Astana men Almaty qq., oblystar men kóliktegi ІІD jeke quramdary tartyldy.
«Qandaı da bir aqparat bolǵan jaǵdaıda myna telefondarǵa: (8-7172) 71-61-49, 71-60-22. Faks: 71-63-53, uıaly 87785807717, ne 102 nómirine habarlasýdy suraımyz» delingen ІІD habarlamasynda.
