Astanada túngi klýbta kúzetshiler men qonaqtar arasynda jappaı tóbeles boldy
Janjal Astananyń túngi klýbtarynyń birinde, kúzetshi men klýbqa kelýshi arasynda bolǵan, dep habarlaıdy QazAqparat polıtsııaǵa silteme jasap.
Keıinirek «102» arnasyna Qaraǵandy tasjolynda jol jıeginde jappaı tóbeles júrip jatqany týraly habar tústi.
Oqıǵa ornyna kelgen polıtsııa qyzmetkerleri quqyq buzýshylyqtyń jolyn kesip, 17 adamdy anyqtap, polıtsııa bólimine jetkizdi.
Tóbeleske túngi klýb kúzetshileri men kelýshiler qatysqany belgili boldy. Janjal kezinde qatysýshylardyń biri atys qarýyn qoldanyp, birneshe ret oq atqan.
Tergeý sharalary barysynda polıtseıler tegis uńǵyly myltyqty taýyp, tárkiledi.
Atalǵan qylmysty jasaǵan kúdiktiler Astana qalasy PD ýaqytsha ustaý ızolıatoryna qamaldy.
Qazirgi ýaqytta oqıǵanyń qalǵan qatysýshylaryn anyqtaý jáne ustaý boıynsha jedel-izdestirý sharalary jalǵasyp jatyr.
QR QK 293-babynyń 3-bóligi boıynsha qylmystyq is qozǵaldy.
