Astanada «Túngi qaladaǵy balalar» reıdi ótip jatyr
ASTANA. QazAqparat - Jazǵy demalys bastalǵaly ıývenaldy polıtsııa qyzmetkerleri qala aýmaǵynda «Túngi qaladaǵy balalar» jedel aldyn alý sharasy júıeli túrde ótkiziledi. Bul týraly astana.kz saıtyna Astana qalasynyń Ákimshilik polıtsııa basqarmasynan habarlady.
Búgin Astanada kezekti reıd ótkiziledi. Іs-sharanyń maqsaty - qańǵybastyqqa quqyqqa qaıshy áreketter jasaýǵa beıim, kámeletke tolmaǵandardy ýaqytynda anyqtaý, túngi ýaqytta jasóspirimderdiń zańdy ókilderinsiz júrýine jol bermeý. Sonymen qatar, reıdke bilim mekemeleriniń ókilderi jáne polıtsııa men prokýratýranyń qoǵamdyq kómekshileri qatysady.
Vedomstvo taratqan málimetterge sáıkes, jyl basynan beri balalardy tárbıeleý mindetin atqarmaǵany, oıyn-saýyq oryndarynda jáne túngi ýaqytta jasóspirimderdiń zańdy ókilderinsiz júrýine jol bergeni úshin myńnan astam ata-ana ákimshilik jaýapkershilikke tartylǵan.
