Astanada túngi ýaqytta qar kúreý jumysyna 1200-den astam arnaıy tehnıka jumyldyrylady
ASTANA. KAZINFORM – Elordada qar men kóktaıǵaqtan tazartý jumysy úzdiksiz júrgizilip jatyr. Qalanyń kommýnaldyq qyzmeti táýlik boıy kúsheıtilgen rejımde eńbek etýde, dep habarlaıdy Astana ákimdiginiń resmı saıty.
9 qarashaǵa qaraǵan túni Astanada qar tazalaý jumysyna 800-den astam jol jumysshysy men 1220 arnaıy tehnıka jumyldyrylady.
Qazirdiń ózinde qaladan 17 myń tekshe metrden astam qar nemese 1349 júk kóligine teń kólem arnaıy polıgondarǵa shyǵarylǵan. Qysqy maýsym bastalǵaly beri barlyǵy 67 myń tekshe metr qar (5404 júk kóligi kóleminde) shyǵarylǵan.
Qar tazalaý kezinde aldymen negizgi kóshe magıstraldary men qoǵamdyq kólik baǵyttary tazartylyp, sodan keıin qozǵalys qarqyny ortasha aýmaqtar – aýlalar, alańdar, trotýarlar men aıaldamalar retke keltiriledi.
Astana ákimdigi qala turǵyndary men qonaqtaryn jolda jáne jaıaý júrginshi aımaqtarynda saq bolýǵa, sondaı-aq aýa raıy qolaısyz kezinde uzaq saparlardan bas tartýǵa shaqyrady.
Aıta keteıik, Astanada 17 myńnan astam zeınetker belsendi ómir saltyn ustanady.