Astanada túngi ýaqytta qar kúreý jumysyna 1 200-den astam arnaıy tehnıka shyǵaryldy
ASTANA. KAZINFORM — Astanada kommýnaldyq qyzmetter táýlik boıy kósheler men joldardy qar men muzdan tazartyp jatyr.
Kún saıyn júzdegen jol jumysshylary men arnaıy tehnıka jumyldyrylady.
Kúni boıy qaladan shamamen 20 myń tekshe metr qar shyǵaryldy, bul 1582 iri júk kóliginiń kólemine teń.
10 jeltoqsanǵa qaraǵan túni qar kúreý jumysyna shamamen 400 jol jumysshysy men 1 237 arnaıy tehnıka jumyldyryldy.
Aldymen negizgi kósheler men qoǵamdyq kólik júretin joldar tazartylady. Osydan keıin qarqyndylyǵy ortasha ýchaskelerde – aýlalarda, alańdarda, trotýarlarda jáne aıaldamalarda júrgiziledi.
Qys mezgiliniń basynan bastap qaladan 352 myń tekshe metrden astam qar polıgondarǵa 27 444 júk kóligimen jetkizildi.
Aıta ketelik 10 jeltoqsanda birqatar óńirde tuman túsip, kóktaıǵaq bolady.