Astanada túngi ýaqytta qar kúreý jumysyna 1 100-den astam arnaıy tehnıka jumyldyrylady
ASTANA. KAZINFORM – Qalalyq kommýnaldyq qyzmetter táýlik boıy kúsheıtilgen rejımde jumys istep, jınalǵan ondaǵan myń tekshe metr qardy arnaıy polıgondarǵa shyǵaryp jatyr, dep habarlaıdy Astana ákimdiginiń resmı saıty.
9 qarasha kúni kúndizgi aýysymda kommýnaldyq qyzmetter 1 633 reıs jasap, 20 myń tekshe metrden astam qardy arnaıy polıgondarǵa jetkizdi.
10 qarashaǵa qaraǵan túni qar tazalaý jumysyna 415 jol jumysshysy men 1 143 arnaıy tehnıka jumyldyrylmaq.
Qysqy mezgili bastalǵaly beri elordadan 110 myń tekshe metrden astam, ıaǵnı 8 917 júk kóligi kóleminde qar shyǵarylǵan.
Aldymen negizgi kóshe magıstraldary men qoǵamdyq kólik baǵyttary tazalanady. Odan keıin ortasha qozǵalys oryndary – aýlalar, alańdar, jaıaý júrginshiler joldary jáne aıaldamalar tazartyldy.
Astana ákimdigi qala turǵyndary men qonaqtaryn qaýipsizdik erejelerin saqtaýǵa, joldar men trotýarlarda barynsha saq bolýǵa, sondaı-aq aýa raıy qolaısyz kezde alys jolǵa shyqpaýǵa shaqyrady.
Aıta keteıik, Astanada aýa raıyna baılanysty áýe reısteri keshigip jatyr.