Astanada túngi klýbtarda azot totyǵyn paıdalanýshylar ustaldy
ASTANA. KAZINFORM – Nashaqorlyqtyń aldyn alý boıynsha profılaktıkalyq sharalardy júzege asyrý maqsatynda elorda prokýratýrasynyń bastamasymen Polıtsııa departamenti 15 oıyn-saýyq mekemesinde reıdtik is-sharalar júrgizdi.
— Nátıjesinde 7 ballon azot totyǵy jáne 14 paket shar (azot totyǵymen dem alý úshin paıdalanylady) tárkilendi, 4 tulǵaǵa ÁQBtK-niń 440-1-baby boıynsha 10 táýlikke ákimshilik qamaq qoldanyldy, — delingen habarlamada.
Nashaqorlyq jáne kúshti áser etetin zattardyń zańsyz qoldanylý faktilerin anyqtaý men aldyn alý turaqty negizde júrgizilip jatyr.
Bul jumys elorda prokýratýrasynyń erekshe baqylaýynda.
Azot totyǵy esirtki zatyna jatpaıdy, alaıda ol kúshti áser etetin zattarǵa jatady.
Ony medıtsınalyq maqsatta emes qoldanǵany úshin Ákimshilik quqyq buzýshylyq týraly kodekstiń (budan ári — ÁQBtK) 440-1-baby boıynsha ákimshilik jaýapkershilik kózdelgen.
Aıta ketelik nashaqorlyqtan psıhıkalyq aýytqýǵa deıin — «sıntetıka» nesimen qaýipti ekeni týraly jazǵan edik.