Astanada túngi aýysymdaǵy qar tazalaý jumysyna 1,4 myńnan asa tehnıka jumyldyryldy

ASTANA. KAZINFORM - Astanada sońǵy kúnderi qar mol jaýyp, aýa raıy qubylyp tur. Qalanyń kommýnaldyq qyzmetteri táýlik boıy kúsheıtilgen rejımde jumys istep jatyr. 8 aqpan kúni qar polıgondaryna 42 myń tekshe metrden astam qar shyǵaryldy, dep habarlaıdy elorda ákimdiginiń resmı saıty.

8 aqpannan 9 aqpanǵa qaraǵan túni qala boıynsha qar tazalaý jumysyna 1,4 myńnan asa arnaıy tehnıka men 260-tan astam jol jumysshy jumyldyryldy.

Foto: Astana qalasy ákimdiginiń baspasóz qyzmeti

8 aqpan kúni qaladan 3 125 aýyr júk kólemine teń 42 myń tekshe metrden astam qar shyǵaryldy.

Qys mezgiliniń basynan bastap qar polıgondaryna 299 myń reıspen 4 mln tekshe metrden astam qar shyǵaryldy.