Astanada tumaýǵa qarsy 56 myńnan astam adam egildi - qalalyq Sanepıdqadaǵalaý departamentiniń bastyǵy

Bul týraly búgin ótken baspasóz máslıhatynda elordanyń bas sanıtarlyq dárigeri Sarqyt Beısenova málim etti.

S.Beısenovanyń aıtýynsha, osy kúnge deıin Astana qalasynda tumaýǵa qarsy 56 887 adam egildi. Bul qala halqynyń 8 paıyzyn quraıdy. Sonyń ishinde «qaterli topqa» jatatyn 6 635 adamǵa egý jergilikti bıýdjet esebinen júrgizildi. 50 252 turǵyn aqyly egý kabınetterine júgindi.

Onymen bir mezgilde S.Beısenova, vaktsına tek tumaýdan ǵana qorǵaıtynyn atap ótti. Al tabıǵatta 200-den astam túri bar - jedel respıratorlyq vırýsty ınsfektsııalardyń (JRVI) aldynda ol qaýharsyz.

«Sondyqtan», - deıdi ol, medıtsına qyzmetkerleri egýdi júrgizgen kezde, adamdarǵa aǵzanyń ımmýndyq júıesin kóterý qajettigi týraly da keńesterin aıtýdy umytpaýy tıis. Astana qalasynyń Memlekettik sanıtarlyq-epıdemıologııalyq qadaǵalaý departamenti ol úshin vıtamınder men mıneraldarǵa baı taǵamdardardy kóbirek jeýge, al hımııalyq preparattardyń arasynan - rımantadındi qoldanýdy usynyp otyr. Preparat eki jastan asqan balalar men eresekterde epıdemııa kezinde tumaýdyń aldyn alý jáne emdeý úshin qoldanylady. Pedıatrııada rımantadınniń shárbat túrindegi - algırem preparaty paıdalanylady. Dárigerler rımantadınniń negizinde jasalǵan taǵy bir preparat - polıremdi usynýda.

«QR DSM Memlekettik sanıtarlyq-epıdemıologııalyq qadaǵalaý departamenti sýyq tııýdiń alǵashqy belgileri paıda bolǵan jaǵdaıda medıtsına mamandarynyń kómegine der ýaqytynda júginip, óz-ózin emdeýmen aınalyspaýdy, jaqyndaǵylardy juqtyrmaý úshin betperdelerdi taǵyp júrýdi suraıdy», - dedi ol.

Sondaı-aq Departament basshysy, astanalyq turǵyndarǵa jótelý men túshkirý etıketin saqtaýdy surap otyr. Qoǵamdyq oryndarda adamdardan 1 metr qashyqtyqqa baryp, aýyz-muryn oramalmen jabylýy tıis. Onymen birge, jeke bastyń jáne qoǵamdyq tazalyǵyn saqtap, aýyrǵan jaǵdaıda úıde jatyp emdelgen abzal.