Astanada tumaýǵa qarsy egý naýqany 1 qazannan bastalady
ASTANA. KAZINFORM – Elordada aldaǵy 2025-2026 epıdemıologııalyq maýsymǵa daıyndyq aıasynda maýsymdyq tumaýǵa qarsy ımmýndaý úshin Reseıde óndirilgen «Grıppol+» vaktsınasynyń 145 myń dozasyn satyp alýǵa jergilikti bıýdjetten qarjy bólindi. Bul týraly Astana qalasy sanıtarııalyq-epıdemıologııalyq baqylaý departamentiniń basshysy Aıgúl Shaǵaltaeva málimdedi.
Aıgúl Shaǵaltaevanyń aıtýynsha, QR Úkimetiniń 2020 jylǵy 24 qyrkúıektegi №612 qaýlysyna sáıkes, vaktsınatsııa táýekel tobyndaǵy azamattarǵa tegin júrgiziledi. Atap aıtqanda, ekpe myna sanattarǵa salynady: medıtsına qyzmetkerlerine, dıspanserlik eseptegi balalarǵa, balalar úıleri men sábıler úıiniń tárbıelenýshilerine, qarttar úıindegi adamdarǵa, júktiliktiń ekinshi jáne úshinshi trımestrindegi áıelderge, júrek-qan tamyrlary jáne tynys alý júıesiniń sozylmaly aýrýlary bar azamattarǵa, mektep oqýshylaryna, sondaı-aq epıdemıologııalyq kórsetkishter boıynsha jabyq mekemelerdiń kontıngentine jáne ózge de sanattarǵa.
Sonymen qatar ol óz sózinde, Bas memlekettik sanıtarııalyq dárigerdiń №6 qaýlysyna sáıkes, ımmýndaý naýqanyn 15 qyrkúıekte bastaý josparlanǵan bolatyn. Alaıda vaktsınany jetkizýdiń keshigýine baılanysty egý jumystary 1 qazannan bastalatyn atap ótti.
Buǵan deıin Astanada JRVI jaǵdaılary ótken maýsymmen salystyrǵanda 14%-ǵa artqanyn jazǵanbyz.