Astanada tumaý men JRVI-ǵa shaldyǵýdyń kúnine 500-ge jýyq jaǵdaıy tirkeledi - Bas sanıtarlyq dáriger
ANA. 9 aqpan. QazAqparat /Gúlmıra Álıakparova/ - Astanada tumaý jáne jedel respıratorlyq vırýsty ınfektsııa (JRVI) dıagnozymen kúninen 400-500 naýqas tirkeledi.
Bul týraly búgin qalalyq Densaýlyq saqtaý basqarmasynyń keńeıtilgen alqa májilisinen keıin jýrnalısterge bergen suhbatynda Sanıtarlyq epıdemıologııalyq qadaǵalaý departamentiniń bastyǵy Jandarbek Bekshın málim etti.
J.Bekshınniń aıtýynsha, ótken jyldyń qazan aıynan bastap JRVI men tumaýǵa shaldyqqandardyń sany turaqty tirkelip keledi. «Búgingi kúni bizde tumaýdyń zerthanalarda rastalǵan 66 túri, sonyń ishinde «A» jáne «V» túrleri bar. Bıylǵy epıdemıologııalyq maýsymnyń ereksheligi, tumaýdyń «V» túri erte kórinis bere bastady. Ádette ol úshinshi kezeńde, naqty aıtqanda, naýryz, sáýir aılarynda paıda bolatyn», - deıdi ol.
«Bul jaǵdaıǵa biz daıynbyz. Qala ákiminiń tapsyrmasyna sáıkes, ótken jyly 190 mln. teńge rezervke qoıyldy. Vırýsqa qarsy preparattar, antıbıotıkter men aldyn alatyn dári-dármekter satyp alyndy. Búgin qalanyń densaýlyq saqtaý basqarmasynyń qoımalarynda 400-ge jýyq bir jolǵy maskalar bar», - dep atap ótti Departament bastyǵy.
J.Bekshınniń sózine qaraǵanda, aldaǵy ýaqytta tumaýdyń órshýi kútilmegenimen, naýqastardyń sany arta túsedi degen boljam bar. Qazir medıtsınalyq mekemelerge osy juqpa túrine shaǵymdanyp kelgenderdiń sany kúnine 400-500 adamdy qurap otyr. Juqpanyń aýyr túrine shaldyqqan nemese ony asqyndyryp alǵan 75 naýqas statsıonarda emdelip jatyr.
Astananyń bas sanıtarlyq dárigeriniń paıymdaýynsha, tumaýdan saqtanýdyń birden-bir tıimdi joly - oǵan qarsy egilý. Bıylǵy jylǵy maýsymda emhanalarda juqpaǵa qarsy 65 200 bala egildi. Bul respýblıkalyq ortasha kórsetkishten 4,4 paıyzǵa joǵary.
