Astanada tuman: Qala mańyna júretin avtobýstardyń qozǵalysy toqtady

ASTANA. QazAqparat – Astanadaǵy qalyń tumanǵa baılanysty qala mańyna qatynaıtyn birqatar qoǵamdyq kóliktiń qozǵalysy toqtatyldy, dep habarlaıdy QazAqparat.

City Transportation Systems kompanııasynyń málimetinshe, búgin saǵat 05:45-ten bastap kún raı̆ynyń qolaı̆syzdyǵyna (qalyń tuman) jáne tasjoldardyń jabylýyna baılanysty qala mańyna qatynaı̆tyn №№ 305, 312, 315, 316, 327 baǵdarlarynyń qozǵalysy ýaqytsha toqtatyldy.

Qala mańyna qatynaı̆tyn basqa baǵdarlar lınııada.

Eske salaıyq, keshe tumanǵa baılanysty birqatar avtojol ýchaskesi jabylǵan bolatyn.

Atap aıtqanda, «Ekaterınbýrg – Almaty» avtojolynyń (1291-1353 shaqyrym aralyǵy) «Astana qalasy –Anar beketi» ýchaskesi barlyq avtokólik túrlerine jabyldy.

Budan bólek, Aqmola oblysynda «Ekaterınbýrg-Almaty» tasjolynyń 1291-1353 shaqyrym aralyǵynda, Jaqsy aýylynan Atbasar qalasyna deıingi aralyqta kóliktiń barlyq túri úshin qozǵalys shekteldi.

Sondaı-aq osy óńirde «Astana-Qorǵaljyn» tasjolynyń 19-124 shaqyrymynda da kólik júrýine tyıym salyndy.

Qaraǵandy oblysynda Aqmola oblysy shekarasynan Temirtaý qalasynda deıingi jolda kóliktiń barlyq túrine shekteý engizildi. Bul - «Ekaterınbýrg-Almaty» avtojolynyń 1353-1425 shaqyrym aralyǵyndaǵy ýchaske.