Astanada tumannyń áseri bar jańa sýburqaq iske qosyldy
ASTANA. KAZINFORM — Astanada Myńjyldyq alleıasynda «Shoqjuldyz» atty jańa sýburqaq synaq rejıminde iske qosyldy. Ol sý tumanynyń erekshe effektisimen erekshelenedi. Bul týraly elorda ákimdiginiń Ýrbanıstıka ortalyǵy málim etti.
Myńjyldyq alleıasynda Saǵadat Nurmaǵambetov kóshesi, 25-úıdiń mańynda jańa «Shoqjuldyz» sýburqaǵy synaq rejıminde jumysyn bastady.
Sýburqaqtyń basty ereksheligi — tuman effektisin berýinde. Sýdyń usaq tamshylary jeńil sý bultyn qalyptastyryp, sýburqaq aınalasynda erekshe atmosfera qalyptastyrady.
Aıta keteıik, Astanadaǵy turǵyn úı kesheniniń qasbetine «Tańsári» mýraly salyndy.
