Astanada «Túbirtek talap etip, syılyq utyp al» aktsııasynyń jetinshi jeńimpazy anyqtaldy
ASTANA. QazAqparat - Búgin Astana qalasy boıynsha Memlekettik kirister departamentinde «Túbirtek talap etip, syılyq utyp al» aktsııasynyń kezekti jeńimpazyn marapattaý rásimi ótti. Aktsııanyń jetinshi jeńimpazy Astana qalasynyń 22 jasar turǵyny Danat Baqjanov atandy, dep habarlaıdy vedomstvonyń baspasóz qyzmetinen.
Jeńimpaz Astana qalasy boıynsha Memlekettik kirister departamenti basshysynyń orynbasary A.Imanǵojınnyń qolynan syılyq aldy.
Jeńimpazdyń aıtýynsha, onyń buǵan deıingi lotereıa oıyndarynda joly bolmaǵandyqtan, bul joly da jeńetinine úmittenbepti. Ol IT mamany boıynsha bilim alyp jatyr, sondyqtan aqparattyq tehnologııalar álemindegi barlyq jańalyqpen tanysyp, konkýrstar men aktsııalarǵa qatysyp júredi.
«Meniń dostarym maǵan «ashýly» shyǵar. Óıtkeni men bul aktsııa týraly dostarymnan bilgen edim. Biraq meniń ǵana jolym boldy. Qyrkúıek aıynan bastap túbirtekterdi jınap, jiberip júrdim. Qazan aıynda barlyǵy 500 túbirtek jiberdim. Kez kelgen dúken, kofeınıa, avtoturaq, janarmaı beketterinde berilgen chekterdi sol sátte telefonyma «Chek úshin syılyq» dep saqtalǵan nómirge jiberip júrdim. Keshe «Chek úshin syılyq» dep jazylyp turǵan abonentten qońyraý kelip túskende qýanyp kettim, tipti tań qaldym», - deıdi jeńimpaz.
Bul aıda báıgege syılyq retinde «LG» smartfony tigilgen.
«Utysqa alǵan «LG» smartfonyn anama syılaımyn. WhatsApp arqyly hat almasýdy úırenip, ol da aktsııaǵa qatysady. Al meniń qoldanyp júrgen telefonym kez kelgen zamanaýı stýdenttiki sekildi, aıfon. Endi kelesi aıda biz 500-den kóp túbirtek joldaıtyn shyǵarmyz», - dep bólisti Danat.
Eske salaıyq, aktsııanyń basty maqsaty - halyqtyń salyqtyq saýattylyǵyn arttyrý men azamattyq belsendiligin joǵarylatý. Eske sala keteıik, bul sharaǵa kez kelgen elorda turǵyny qatysa alady. Aktsııanyń sońǵy aıy - qarasha.
Jeltoqsan aıynda QR QM Memlekettik kirister komıtetinde qorytyndy aktsııa ótkiziledi. Jyldyń basty syılyǵy - avtokólik. Aktsııaǵa qatysý úshin chekti sýretke túsirip, WhatsApp messendjeri arqyly +7 700 500 17 17 nómirine jiberý kerek. Chek alynǵan dúken mindetti túrde Astana qalasynda bolýy shart. Árbir chekke biregeı nómir beriledi, sol arqyly tutynýshylar baǵaly syılyqtar utysyna qatysady.
