Astanada týberkýlezge shaldyqqan balaǵa qatysty tekserý bastaldy
ASTANA. KAZINFORM – Astanada týberkýlezge shaldyqqan balaǵa qatysty arnaıy komıssııa quryldy. Qazir osy jaǵdaıdyń mán-jaıyn anyqtaý jumystary júrgizilip jatyr.
Bul týraly Kazinform agenttiginiń saýalyna jaýap bergen Astana qalasynyń Qoǵamdyq densaýlyq saqtaý basqarmasy málimdedi.
Basqarmanyń málimetinshe, komıssııa quramyna Qoǵamdyq densaýlyq saqtaý basqarmasynyń shtattan tys bas mamandary – pedıatr, ftızıatr, pýlmonolog, sondaı-aq sáýlelik jáne fýnktsıonaldyq dıagnostıka mamany engizilgen.
Sonymen qatar tekserý jumysyna QR Densaýlyq saqtaý mınıstrligine qarasty Ulttyq ftızıopýlmonologııa ǵylymı ortalyǵynyń jáne QR DSM Sanıtarııalyq-epıdemıologııalyq baqylaý komıtetiniń Astana qalasy boıynsha departamentiniń mamandary tartylady.
– Balanyń týberkýlezge shaldyǵýyna baılanysty arnaıy komıssııa quryldy. Onyń quramyna Qoǵamdyq densaýlyq saqtaý basqarmasynyń shtattan tys bas mamandary engizildi. Sonymen qatar komıssııa jumysyna Ulttyq ftızıopýlmonologııa ǵylymı ortalyǵy men Astana qalasynyń sanıtarııalyq-epıdemıologııalyq baqylaý departamentiniń mamandary tartylady. Qazirgi ýaqytta tıisti jumys bastaldy, – dep málimdedi Astana qalasynyń Qoǵamdyq densaýlyq saqtaý basqarmasy.
Eske salaıyq, buǵan deıin Astanadaǵy №1 kópbeıindi qalalyq balalar aýrýhanasynyń medıtsına qyzmetkerinen týberkýlez anyqtalǵany habarlanǵan bolatyn.
