Astanada týberkýlezge qarsy kúres tıimdi nátıje berýde
ASTANA. 18 naýryz. QazAqparat - Týberkýlez - álemge eń keń taraǵan aýrý. Qazirgi kezde dúnıejúzi boıynsha osy dertpen 9 mıllıonǵa tarta adam aýyrady. Onyń asqynýynan 3 mıllıonǵa jýyq adam kóz jumady. Sondyqtan Astana qalasynyń Densaýlyq saqtaý basqarmasy bul qaýipti aýrýdyń aldyn alýǵa aıryqsha kóńil bólýde. Bul jóninde astana.kz habarlaıdy.
Saıttyń jazýynsha, ótken jyly týberkýlezdi anyqtaý deńgeıin arttyrý úshin qalada qosymsha 7 ambýlatorııalyq-fızıatrıkalyq, onyń ishinde 5 ftızıo-pedıatorlyq ýchaske jasaqtaldy. Sonymen qatar, 2012 jyldyń 12 aıynda 83 ota jasaıtyn osteo-hırýrgııalyq bólim ashyldy. Osyǵan baılanysty atalǵan salada hırýrgııalyq belsendilik 39,4%-dan 79,1%-ǵa deıin artty.
Astana qalasy densaýlyq saqtaý organdarynyń shuǵyl qolǵa alǵan is-sharalarynyń arqasynda qalada týberkýlez aýrýyn aıtarlyqtaı azaıtýǵa qol jetkizildi. Bıylǵy jyly atalǵan dert kórsetkishi 19,1 %-ǵa azaıyp, 2011 jyldyń osy kezeńimen salystyrǵanda 100 myń adamǵa shaqqanda 138,1-diń ornyna 111,7-ge jetti.
Týberkýlezden kóz jumǵandar kórsetkishi atalǵan merzimde 22,9%-ǵa tómendegen. 2012 jyly ol 100 myń turǵynǵa shaqqanda 6,4-ti quraǵan bolatyn. Al onyń arǵy jyly naýqas kórsetkishi 8,3 bolǵan.
