Astanada týberkýlezdiń aldyn alý boıynsha aılyq shara bastaldy
ASTANA. QazAqparat - 24 aqpannan 23 naýryzǵa deıin Astanada týberkýlezdiń aldyn alý aılyǵy ótedi, dep habarlady astana.gov.kz.
Shara búkil álemde 24 naýryz kúni atap ótiletin Dúnıejúzilik týberkýlezge qarsy kúres kúni qarsańynda ótkizilip otyr. Statıstıkaǵa súıensek, týberkýlezben aýyratyn adamdar sany jyl saıyn azaıyp keledi.
Astana qalasy Densaýlyq saqtaý basqarmasynyń habarlaýynsha, elordada atalmysh aılyq aıasynda medıtsına qyzmetkerleri úshin týberkýlezdi erte anyqtaý jáne aldyn alý boıynsha semınar-trenıngter uıymdastyrylady. Qalalyq emhanalar men aýrýhanalarda ftızıatrlar men basqa da mamandardyń qatysýymen ashyq esik kúnderi, Otbasyn josparlaý boıynsha densaýlyq mektepterinde týberkýlezdiń aldyn alý sabaqtary, sonymen qatar, turǵyndardy flıýorografııalyq tekserý júrgiziledi.
Aılyq aıasyndaǵy is-sharalar turǵyndarǵa ýaqytyly aldyn ala tekserýden ótýdiń mańyzdylyǵyn túsindirýge kómektesedi.
