Astanada «Tszıansý — Ortalyq Azııadaǵy kópfýnktsıonaldy keshen» salynady
ASTANA. KAZINFORM – QR Saýda jáne ıntegratsııa mınıstri Arman Shaqqalıev Qytaıǵa saparynda Tszıansý provıntsııasy úkimeti men Jiangsu Soho Holding Group basshysymen kezdesti.
Saýda jáne ıntegratsııa mınıstrliginiń málimetinshe, Shaqqalıev 2024 jyly ashylǵan «Tszıansý-Ortalyq Azııa» ortalyǵy men Qazaqstan pavılonyna baryp, olardyń jarty jyldyq jumysyna baǵa berdi. Maýsym aıynda Astanada Tszıansý provıntsııasynyń ımporttyq jáne eksporttyq taýarlarynyń Expo Goods Central Asia kórmesi ótedi. Soho Holding Group bul sharaǵa qosymsha kórme uıymdastyrady.
— Kórme ekijaqty yntymaqtastyqtyń jetistikterin kórsetip, ony tereńdetýge múmkindik beredi. Mınıstrlik uıymdastyrý men qatysýǵa qajetti qoldaý kórsetýge daıyn, — dedi Arman Shaqqalıev.
Mınıstr Soho Holding Group-tyń Tszıansýdaǵy qurylys qarqyny men sapasyna tańdanysyn bildirdi.
Qazaqstandyq pavılondar men CIIE kórmesinde jasalǵan jumystar joǵary baǵalandy.
Osyǵan deıin Saýda mınıstrligi Tramptyń jańa baj salyǵyna qatysty málimdeme jasady.