Astanada tsıfrlyq tehnologııalardy HR salasyna tıimdi engizý máselesi talqylanyp jatyr
Astanada HR jáne tsıfrlyq tehnologııalardyń ujym basqarýdaǵy mańyzy týraly konferentsııa ótip jatyr, dep habarlaıdy Kazinform.
QR Prezıdent is basqarmasy Medıtsınalyq ortalyǵyna qarasty Medıtsınalyq tehnologııalar jáne aqparattyq júıeler ortalyǵynyń uıymdastyrýymen ótip jatqan sharaǵa memlekettik qurylymdardyń, belgili medıtsınalyq habtardyń, alpaýyt kompanııalardyń top-menedjerleri, HR jáne IT sarapshylar, bıznes-tálimgerler qatysyp otyr.
Konferentsııaǵa qatysýshylar jalpy otyrystan keıin sektsııalarǵa bólinip, saladaǵy ózekti máselelerdi talqylaýǵa ótedi. Ol sektsııalarda ujymdy yntalandyrý arqyly basqarý, mamandar turaqsyzdyǵyn aldyn ala boljaý jáne sebepterimen kúresý, korporatıv mádenıeti, tsıfrlyq gıgıena, ujymnyń emotsııalyq zeıinin basqarý sııaqty ózekti máseleler sarapqa salynady.
Konferentsııanyń ashylýynda sóz sóılegen Prezıdent is basqarmasy Medıtsınalyq ortalyǵynyń basshysy Alekseı Tsoı tehnologııalar men ujymdaǵy mádenı qundylyqtar kún saıyn jetilip jatqan zamanda mamandardy basqarý salasyn ýaqyt talaptaryna saı baǵdarlaý mańyzdy ekenin atap ótti.
«Biz úzdiksiz damyp jatqan tehnologııalyq ózgerister bizdiń ómirimizdiń túrli salasyna áserin tıgizip jatqan biregeı dáýirde ómir súrip jatyrmyz. Búgin biz tsıfrlyq tehnologııalardyń HR salasynyń árbir aspektine enip jatqanyn kórip otyrmyz. Konferentsııa aıasynda personaldy irikteýde IT qoldaný, talanttardy basqarý úshin ınnovatsııalyq sheshimderdi endirý máseleleri, sondaı-aq kadrdy oqytý men damytýdaǵy tsıfrlyq platformalardyń rolin qarastyramyz. Bul ınnovatsııalyq tásilderdiń úzdik komandalardy qalaı qalyptastyra alatynyn zertteýge aıryqsha kóńil bólinedi. Biz bolashaqta qandaı daǵdylar men biliktilikter suranysta bolatynyn jáne bizdiń komandalardy ózgeristerge qalaı daıyndaýǵa bolatynyn qarastyramyz», - dedi Alekseı Tsoı.
Іs-sharada Prezıdent isteri basqarmasynyń júıesinde personlamen jumys salasynda qandaı jetekshi sheshimder qoldanylatyny týraly da baıandalady. QR Prezıdenti is basqarmasynyń uıymdastyrýshylyq-baqylaý jáne kadrlyq jumys bólimi meńgerýshisiniń orynbasary Sholpan Jumaǵulova, Medıtsınalyq tehnologııalar jáne aqparattyq júıeler ortalyǵynyń vıtse-prezıdenti Gúlnur Bókenova kadrlyq ákimshilendirý jáne HR protsesterin avtomattandyrýdaǵy oń tájirıbeler týraly áńgimeleıdi.
QR PІB «Injenerlik-tehnıkalyq ortalyq» RMK dırektorynyń mindetin atqarýshy Manat Ysqaqov kásiporyn jumysynda paıdalanylatyn tsıfrlyq tehnologııalar jaıynda málimet bermek.
