Astanada tseh otqa orandy
ASTANA. KAZINFORM — Elordanyń Baıqońyr aýdany Aqsaı kóshesi boıynda ornalasqan sharýashylyq korpýsynda órt shyqty. Órt sóndirýshiler qyzyl jalynmen eki saǵattaı kúresip, órtti aýyzdyqtady. Bul týraly TJM málim etti.
Zardap shekkender týraly aqparat túsken joq. Órtke qarsy qyzmeti joǵarǵy rang boıynsha jumys jasaǵan.
Órt sóndirýdiń jedel shtaby qurylyp, 4 jaýyngerlik ýchaske jumys istedi.
Astana ýaqytymen 08:58–de órt oqshaýlandy.
— Órt 500 sharshy metr alańda sóndirildi. Naqtylanǵan málimet boıynsha, gaz bloktaryn shyǵaratyn tseh shatyry órtengen. Zardap shekkender joq, — dep jazdy TJM baspasóz qyzmeti.
Eske sala keteıik, buǵan deıin elordadaǵy Nura aýdanynda ornalasqan kópqabatty turǵyn úıdiń bir páterinde órt shyǵyp, qutqarýshylar 33 adamdy, onyń ishinde 6 balany qaýipsiz jerge shyǵarylǵan edi.