Astanada trıatlonnan QR chempıonaty ótip jatyr
ASTANA. QazAqparat - Astanada trıatlonnan Qazaqstannyń ashyq chempıonaty ótip jatyr, dep habarlaıdy «QazAqparat» HAA tilshisi.
Ázirge chempıonattyń júzý boıynsha aralyq kezeńi aıaqtaldy. Komandalyq esepte «Astana Team» komandasynyń sportshysy Stanıslav Redko 21 mınýt kórsetkishimen kósh bastady. Odan keıin kásibı sanattaǵy úsh sportshy - Vıktor Zemtsev (Ýkraına), Ivan Týtýkın (Rossııa) jáne Maksım Krıat (Qazaqstan) márege jetti.
«Jarysqa túsken 155 adamnyń úsheýi ǵana PRO sanatyna jatady, qalǵandary - áýesqoılar. Qatysýshylardyń basym bóligi úshin bul jaı ǵana hobbı, osylaısha jumystan tys ýaqytta demalady», - deıdi jarystardy habarlaýshy Aleksandr Oleınık.
Chempıonatta sport áýesqoılary kásipqoı atlettermen qatar 1,8 shaqyrymdy júzip ótip, 90 shaqyrymdy velosıpedpen baǵyndyrdy jáne 21,5 shaqyrymdy júgirip ótti.
