Astanada transplantologııa jáne aǵza donorlyǵy salalarynda atqarylǵan jumystardyń qorytyndylary shyǵarylady
ASTANA. 26 jeltoqsan. QazAqparat - Erteń Astanada transplantologııa jáne aǵza donorlyǵyn nasıhattaý salalarynda aǵymdaǵy jyly atqarylǵan jumystardyń alǵashqy qorytyndylary shyǵarylyp,
2012 jylǵa josparlar aıqyndalady. Bul týraly QR Densaýlyq saqtaý mınıstrliginiń (QR DSM) baspasóz qyzmetinen málim etti.
Baspasóz máslıhatynda jýrnalısterdiń suraqtaryna QR DSM Medıtsınalyq kómekti uıymdastyrý departamentiniń dırektory Ajar Tóleǵalıeva, «Respýblıkalyq jedel medıtsınalyq járdem ǵylymı ortalyǵy» AQ transplantologııa jónindegi keńesshisi, QR DSM shtattan tys bas transplantology Ǵanı Quttymuratov, táýelsiz akkredıttelgen sarapshy, dáriger-nefrologOryngúl Narmanova, Astana qalasyndaǵy №1 qalalyq balalar aýrýhanasynyń bas dárigeri, qalalyq máslıhat depýtatyNadejda Petýhova, gemodıalız patsıenti Berdııar Býstambaevtyń anasyÚmitjan Ospanova jaýap beretin bolady.
Qazaqstanda organdyq donorlyqty nasıhattaý boıynsha aýqymdy aktsııa bastaldy. Búginde elimizde baýyr, búırek, júrek jáne ózge de donorlyq aǵzalarǵa muqtaj 7 myńnan astam naýqas turady. Olardyń deniniń ómiri - qyl ústinde. Transplantatsııa - bul naýqastardyń ómirin saqtap qalýdyń jalǵyz amaly.
«Aǵza donorlyǵy - tranplantologııanyń túbirli máselesi. Qaıtys bolǵannan keıin organdyq donorlyqqa kózi tirisinde kelisý - bul moraldyq, sondaı-aq dinı turǵydan alyp qaraǵanda adamgershilik áreket», - dep sanaıdy QR DSM ókilderi.
