Astanada Toıota júrgizýshisi jaıaý júrginshini qaǵyp, BMV kóligin soqty
ASTANA. QazAqparat - Astanada Turar Rysqulov kóshesinde №2 qalalyq aýrýhanasynyń aldynda jol-kólik apaty oryn alyp, adamdar zardap shekti, dep habarlaıdy «QazAqparat» HAA tilshisi.
Kýágerlerdiń aıtýynsha, saǵat 18.20-da «Nazarbaev Ýnıversıteti» jaqtan joǵary jyldamdyqpen kele jatqan «Toıota Kamrı» avtomobıli burylǵaly turǵan BMV kóligin qatty soǵyp, joldan ótip bara jatqan jaıaý júrginshini qaǵyp ketti.
Oqıǵa ornyna jol polıtsııasynyń ókilderi men jedel járdem keldi. Joldan ótip bara jatqan qyz es-tússiz qalpy №2 qalalyq aýrýhanasyna jetkizildi. «Toıota Kamrı» kóliginiń artynda otyrǵan jolaýshy alǵa ushyp ketip, jaraqattandy. Basqa zardap shegýshiler de bolýy múmkin.
