Astanada Toyota Camry júrgizýshisi oqýshyny qaǵyp ketti
ASTANA. QazAqparat - Astanada Toyota Camry júrgizýshisi mektep oqýshysyn qaǵyp ketti, dep habarlady elordalyq ІІD ákimshilik polıtsııa basqarmasynan.
«Búgin, 5 qyrkúıekte saǵat 07.04-te Toyota Camry kóliginiń júrgizýshisi Imanov kóshesimen Respýblıka dańǵyly jaǵyna ótip bara jatyp, Ǵabdýllın kóshesimen qıylysqanda, júrginshiler jolymen Imanov kóshesine qaraı ótip bara jatqan 2000 jyly týylǵan kámelettik jasqa tolmaǵan qyzdy qaǵyp ketti. Oqýshy qyz túrli jaraqattarmen aýrýhanaǵa jetkizildi», - delingen habarlamada.
Kólik arnaıy turaqqa qoıyldy. Jol-kólik oqıǵasynyń sebepteri anyqtalýda.
Astana q. ІІD ákimshilik polıtsııasy basqarmasy júrgizýshilerge oqý jylynyń bastalýyna baılanysty jolda jas balalardyń kóbeıgenin, sondyqtan júrgizýshiler balalarǵa basa mán berýi qajettigin eskertedi.
