Astanada tótenshe jaǵdaılardyń aldyn alý jáne olardy joıý jónindegi vedomstvoaralyq memlekettik komıssııanyń otyrysy ótedi
ASTANA. 4 qazan. QazAqparat - Qazaqstan Respýblıkasynyń Tótenshe jaǵdaılar mınıstrliginde 2012 jylǵy 5 qazanda saǵat 10.00-de Tótenshe jaǵdaılar mınıstri V.K. Bojkonyń tóraǵalyǵymen
«Jergilikti atqarýshy organdardyń «Eldi aýmaqtyq-keńistikte damytýdyń 2020 jylǵa deıingi boljamdy shemasyn bekitý týraly» Qazaqstan Respýblıkasy Prezıdentiniń 2011 jylǵy 21 shildedegi № 118 Jarlyǵyn iske asyrý sheńberinde elimizdiń aýmaǵynda tótenshe jaǵdaılardyń aldyn alý, maýsymdyq tasqyn men sý tasqynyna, selge, syrǵyma men kóshkinge, órtterge, jer silkinisterine, tótenshe jaǵdaılardyń medıtsınalyq-sanıtarlyq jaǵdaıyna qarsy is-áreket ınfraqurylymyn damytý jónindegi sharalardy strategııalyq josparlaý jaǵdaıy týraly» taqyrybyna Tótenshe jaǵdaılardyń aldyn alý jáne olardy joıý jónindegi vedomstvoaralyq memlekettik komıssııanyń otyrysy ótedi.
Bul týraly QR TJM baspasóz qyzmeti habarlady.
Otyrysqa múddeli ortalyq memlekettik organdardyń, oblystar, Astana jáne Almaty qalalary ákimdikteriniń ókilderi, QR TJM qurylymdyq jáne vedomstvolyq baǵynysty bólimsheleri men aýmaqtyq organdarynyń basshylary qatysady.
