Astanada tórt jer teliminiń ıesi memleket paıdasyna olardan bas tartty
ASTANA. QazAqparat - Astana qalasynyń Esil aýdandyq sotynda Astana ákimdiginiń «Gaz apparatýralary zaýyty» aýdanynda ornalasqan tórt jel telimin kommýnaldyq menshikke kelip túsken dep taný týraly talabyn qanaǵattandyrdy.
Astana qalasy soty baspasóz qyzmetiniń habarlamasynda menshik ıesi kórsetilgen jer telimderinen óz erkimen menshik quqyǵynan bas tartqany kórsetilgen.
«QR Azamattyń kodeksi normalaryna sáıkes ıesiz jyljymaıtyn zattardy respýblıkalyq mańyzdaǵy qalalar, elorda, aýdandar, oblystyq mańyzdaǵy qalalar jergilikti atqarý organdarynyń ótinishimen jyljymaıtyn múlikterdi esepke qoıý organyna memlekettik tirkeýge qabyldaıdy. Eger menshik ıesi menshik quqyǵynan bas tartqany týraly jarııalasa jergilikti atqarýshy organ bul zattary kommýnaldyq menshikke kelip túsken retinde taný týraly talappen sotqa júginedi», - delingen habarlamada.
Bul jaǵdaıda ákimdik menshik ıesi menshik quqyǵynan bas tartqany jáne olardy ıesiz jyljymaıtyn múlikter retinde esepke qoıýdy talap etip, sotqa júgindi.
Sot QR APK-tiń 317 babyna sáıkes jyljymaıtyn múlikti ıesiz dep taný jáne kommýnaldyq menshik quqyǵyn taný jóninde sheshim shyǵardy.
