Astanada tórt turǵyn úı úleskerlerine 2 mlrd teńge qaıtaryldy
ASTANA. QazAqparat - Qala prokýrorynyń talap aryzymen zardap shekken úleskerlerge qurylysy aıaqtalmaǵan «Rýh», «Altyn Raıd», «Zere-2» jáne «Magıstralnyı-3 (3-blok)» turǵyn úı keshenderi berilip, 360-tan asa úleskerdiń quqyǵy qorǵaldy, dep habarlaıdy «QazAqparat» HAA tilshisi.
Astana qalalyq mamandandyrylǵan aýdanaralyq ekonomıkalyq sotynyń sheshimimen «Rýh», «Altyn Raıd», «Zere-2» jáne «Magıstralnyı-3 (3-blok)» turǵyn úı keshenderiniń úleskerleriniń múddesine engizilgen qala prokýrorynyń talap aryzdary qanaǵattandyryldy.
Azamattyq isterdiń qaralý nátıjesi boıynsha «Rýh Nurhat», «DAR», «Nash dom Zere» jáne «Amanat-Komfort» TÚQK-niń paıdasyna josyqsyz qurylys salýshylardan («KazGazAstana» JShS, «Altyn Sapa 2011» JShS, «Jas Otaý-Happy tawn» TÚQK, «TamyzInvestGrýpp» AQ) 2 mlrd teńge óndirilip, qurylysy aıaqtalmaǵan «Rýh», «Altyn Raıd», «Zere-2» jáne «Magıstralnyı-3 (3-blok )» turǵyn úı keshenderi jer telimimen qosa berildi.
Qazirgi ýaqytta turǵyn úı-qurylys kooperatıvteri qurylysty aıaqtaý jáne turǵyn úılerdi paıdalanýǵa berý úshin áleýetti salýshylardy tartý múmkindigine ıe boldy.
