Astanada tórt mashına soqtyǵysty, adam shyǵyny bar
ASTANA. 30 naýryz. QazAparat - Búgin tańerteń Astana qalasynyń Aqjol kóshesi boıynda eki avtokólik soqtyǵysyp, bir adam mert boldy.
Jol polıtsııasy qyzmeti habarlaǵandaı, «Aýdı» jáne «Nıva» kólikteri qatty jyldamdyqpen kele jatyp, kóktaıǵaqtyń saldarynan soqtyǵysqan. Bir adam qaıtys boldy. Kýágerlerdiń aıtýynsha, jol-kólik apaty kezinde taǵy eki mashına zardap shekken.
Aıta keteıik, Ýgolnyı kóshesimen jalǵasatyn Aqjol kóshesi astanalyq júrgizýshilerdiń «aınalma joly» bolyp sanalady. Onyń boıynda baǵdarshamdar az. Ol arqyly Qyrqynshy kenti men Ońtústik-Shyǵys aýdanyna az ýaqyttyń ishinde barýǵa bolady. Ýaqytty únemdeıtin júrgizýshilerdiń deni osy jolǵa túskende qatty jyldamdyqpen júredi.
