Astanada tórt kúnde 218 sheteldik kólik zańdastyryldy

ASTANA. QazAqparat – Elimizde 23 qańtardan beri shetelden ákelingen avtokólikterdi zańdastyrý aktsııasy júrip jatyr. Shara bastalǵaly elordada 218 sheteldik kólik resmı tirkeýden ótti, dep habarlaıdy QazAqparat tilshisi.

«Aktsııa bastalǵaly elordada 218 sheteldik avtokólik zańdastyrylyp, nómir berildi. Shamamen 445 sheteldik kólikti tirkeýge ruqsat berildi. Tórt kún ishinde 2,5 myńǵa jýyq azamatqa polıtsııa qyzmetkerleriniń keńesi usynyldy. Sondaı-aq, mamandandyrylǵan HQO qyzmetkerleri «Elektrondy úkimet portaly» arqyly kelip túsken 2800-den astam ótinishti qarady», - degen aqparat taratty elorda polıtsııasynyń baspasóz qyzmeti.

Kólikti zańdastyrý ótinishin «Elektrondyq úkimet» portaly arqyly berýge bolady.

Erejege sáıkes avtomobıl Qazaqstan aýmaǵyna 2022 jyldyń 1 qyrkúıegine deıin ákelinýi tıis. Sońǵy tirkelgen jerdegi esepten shyǵarylýy jáne izdeýde bolmaýy kerek. Odan bólek, sheteldik avtokólikti kedendik tekseristen ótkizý mindetti.

Avtokólikti zańdastyrý tólemine kelsek, 200 myń teńge memlekettik alym, 4 313 teńge pasport bajy jáne memlekettik nómir úshin 9 660 teńge tóleý qajet.

Aıta keteıik, sheteldik avtokólikterdi zańdastyrý bıyl 1 shildege deıin jalǵasady.

Sheteldik kólik ıeleri ýtıl alymnan bosatylady.

Sondaı-aq, sheteldik kólikterdi zańdastyrýǵa kómek kórsetetin sall-ortalyqtar iske qosyldy. Barlyq óńir boıynsha telefondy osy jerden alýǵa bolady.

Call-ortalyqtan bólek, sheteldik kólikti zańdastyrý boıynsha halyqqa qyzmet kórsetý ortalyqtarynda mamandar keńesi usynylady.

Shetelden ákelingen qandaı kólik túri zańdastyrýǵa jatpaıtyny týraly tolyq aqparattan oqýǵa bolady.

Sonymen qatar, sheteldik kólikti zańdastyrmaǵan jaǵdaıda qandaı jaza qoldanylatyny aıtyldy.