22:28, 30 Naýryz 2025 | GMT +5
Astanada tórt avtobýstyń baǵyty ózgerdi
ASTANA. KAZINFORM - Astanada №1, №6, №11 jáne №85 qalalyq avtobýs marshrýttarynyń qozǵalys syzbasy ýaqytsha ózgerdi. Bul týraly 30 naýryzda CTS kólik kompanııasy málimdedi.
— Qurmetti jolaýshylar! Marshrýttardyń qozǵalys baǵyty ýaqytsha ózgertildi, — delingen kompanııanyń Instagram-daǵy resmı paraqshasynda.
Ózgeristerdiń sebepteri men olardyń qansha ýaqytqa sozylatyny týraly kompanııa naqtylamady. Jolaýshylarǵa marshrýttardy josparlaý kezinde bul ózgeristerdi eskerip, jańartylǵan aqparatty baqylaý usynylady.
Buǵan deıin № 41 avtobýsynyń baǵyty ýaqytsha ózgeretini habarlanǵan bolatyn.