Astanada «Tórlet, eńbek adamy» atty aqyndar aıtysynyń jeńimpazdary anyqtaldy

ASTANA. KAZINFORM – Astanada Mádenıet jáne aqparat mınıstrliginiń uıymdastyrýymen jáne «AMANAT» partııasynyń qoldaýymen ótken «Tórlet, eńbek adamy!» atty respýblıkalyq aqyndar aıtysy máresine jetti.

Dástúrli doda bıyl eńbek adamyn ulyqtaýǵa arnaldy

Eki kúnge josparlanǵan bıylǵy jyr dodasynda jyl kóleminde elimizde ótken respýblıkalyq jáne halyqaralyq aıtystarda úzdik óner kórsetip, júldeli oryn enshilegen 14 aqyn topqa tústi.

Aıtys qorytyndysymen qyzylordalyq Meıirbek Sultanhan Gran-prıge ıe bolyp, oǵan «Altyn dombyra» men avtokólik tabystaldy.

Birinshi oryndy Nurbol Jaýynbaev (Aqtóbe), ekinshi oryndy Aıym Asylbekqyzy (Almaty), úshinshi oryndy Ómirjan Kópbosyn (Ulytaý), Dıdar Qamı (Qaraǵandy) jáne Aspanbek Shuǵataı (Pavlodar) ıelendi.

Sondaı-aq, basqa qatysýshylar arnaıy júldemen marapattaldy.

Aıtys demeýshisi – kásipker, metsenat, Q4 «Tulpar» kompanııasynyń negizin qalaýshy Talǵat Saqan.

Jyr dodasy ulttyq qundylyqtardy dáriptep, talantty aqyndarǵa qoldaý kórsetýde mańyzdy oqıǵa boldy.