Astanada tóreshini sabaǵan boksshy men bapker sporttan shettetilmek
ASTANA. QazAqparat - Astanada Qazaqstan boks federatsııasynyń Kýbogynyń shırek fınalynda tóreshini sabaǵan boksshy men bapker sporttan shettetiletin boldy, dep habarlaıdy QazAqparat tilshisi.
Bul týraly Qazaqstan boks federatsııasynyń resmı saıty málim etti.
Oqıǵa 22 qyrkúıekte Astanada Qazaqstan boks federatsııasynyń Kýbogynyń shırek fınalynda astanalyq boksshy Rahat Marjyqpaev pen Aman Qazanǵapovtyń kezdesýinde boldy. Jekpe-jek aıaqtalǵanda tóreshi Qazanǵapovtyń qolyn kóteredi. Bul sheshimge kóńili tolmaǵan elordalyq sportshynyń bapkeri rıngten túsken referıge soqqy jasaıdy. Sondaı-aq, jeńilip qalǵan boksshy da bapkerine kómektesip, tóreshige judyryǵyn ala júgiredi.
Qazaqstan boks federatsııasynyń málimetine súıensek, osy jekpe-jekte tórelik etken Amangeldi Aqsholaqovtyń 28 jyldyq tájirıbesi bar maman ekeni jáne AIBA joǵary kategorııasynyń ıegeri ekendigi aıtylǵan. Onyń ústine ol Eýropa chempıonatynyń júldegeri jáne Keńes Odaǵynyń 1984 jylǵy chempıony.
Aqsholaqov mundaı oqıǵa bolaryn kútpegenin, birinshi ret bolyp otyrǵanyn aıtqan. Oqıǵadan keıin bapker kelip, keshirim suraǵanyn, biraq mundaı jaǵdaılar jazasyz qalmaýy tıis ekenin aıtyp otyr.
Endi osy iske baılanysty bapker de, sportshy da sporttan shettetilmek. Qansha merzimge shettetiletinin bapkerler keńesi men atqarýshy komıtet bıýrosy sheshetin bolady.
