Astanada toptasqan jastar bir jasóspirimdi soqqyǵa jyqqan
ASTANA. KAZINFORM — Astana qalasy Konstıtýtsııa kóshesinde «Ilıas» dúkeniniń mańynda jas jigit aıaýsyz soqqyǵa jyǵylǵan. Zardap shegýshiniń týystarynyń aıtýynsha, oqıǵaǵa shamamen 40 adamnyń qatysy bar bolýy múmkin.
Saldarynan jasóspirimniń murny synǵan, sondaı-aq bir tisi túsip qalǵan.
Polıtsııa departamentiniń málimeti boıynsha, atalǵan fakti boıynsha densaýlyqqa qasaqana zııan keltirý babymen qylmystyq is qozǵaldy. Oqıǵaǵa qatysy bar tulǵalar anyqtalyp, Saryarqa aýdany polıtsııa basqarmasyna jetkizilgen.
— Janjal turǵyn úı aýlasynda jastar arasynda týyndaǵan. Oqıǵa saldarynan kámeletke tolmaǵan azamat jaraqat alǵan. Oǵan medıtsınalyq kómek kórsetilip, dárigerlik tekserýden keıin úıine jiberilgen, — delingen habarlamada.
Qazirgi ýaqytta polıtsııa qyzmetkerleri oqıǵanyń barlyq mán-jaıyn anyqtaý maqsatynda tergeý amaldaryn júrgizip jatyr.
Aıta keteıik, Almatyda jappaı tóbeles kezinde eki jasóspirim mert boldy.
