Astanada «Tońyp qalǵandardy tegin jetkiz» aktsııasy iske qosyldy
ASTANA. QazAqparat - Elordalyq kompanııalardyń biri qoǵamdyq kólikti kútip, aıaldamalarda turatyn azamattar úshin arnaıy aktsııany iske qosty. Uıymdastyrýshylar júrgizýshilerge kúnniń sýyǵynda tońyp qalǵan azamattardy úılerine tegin jetkizip tastaýdy usynyp otyr, dep habarlaıdy QazAqparat.
«Eger siz kóligińizben jumysqa bara jatyp nemese kele jatyp jol boıynda tońyp turǵan adamdardy kórseńiz olardy tegin ala ketińiz!» - deıdi aktsııany uıymdastyrýshylar.
Aıta keteıik, búgin úskirik aıazdyń saldarynan birinshi jáne ekinshi aýysymdaǵy 1-9 synyp oqýshylary úshin sabaqtar toqtatyldy.
18 qarasha kúni aýa temperatýrasynyń tómen bolýy «Astana sý arnasy» mekemesine qarasty jelilerde apattyń oryn alýyna sebep boldy. Osyǵan qaraı birneshe úıdiń turǵyndary táýlik boıy sýsyz otyrdy.
Qazaqstanda 40 gradýstan tómen aıaz bolýy yqtımal ekendigin aıta ketken jón.
