Astanada tonaýshylardy ustaýǵa kómektesken taksı júrgizýshisine syılyq berildi
ASTANA. QazAqparat - Astanada taksı júrgizýshisi polıtsııa qyzmetkerlerine býkmekerlik keńseden teledıdarlardy urlaǵan baýkespelerdi ustaýǵa kómektesti.
Bul týraly elordalyq ІІD-niń baspasóz qyzmetinen habarlandy.
«Túnde Astana qalasynyń eki turǵyny býkmekerlik keńseden túrli-tústi teledıdarlardy jymqyrǵan. Urlanǵan zattardy tasymaldaý úshin sybaılastar taksı toqtatqan. Taksı júrgizýshisi jolaýshylardyń áreketterine kúdikpen qarady, onyń aıtýynsha, ádette iri zattardy túnde tasymaldamaıdy. Qolaıly sátti tańdap, ol «102» pýltine habarlasqan. Jedel kelip jetken polıtsııa qyzmetkerleri urlyq jasaǵan adamdardy qylmys ústinde ustady», - delingen habarlamada.
«Almaty» aýdandyq ІІB basshysy Marat Tólebaev taksı júrgizýshisine syıaqy retinde teledıdar tapsyrdy. Ol taksı júrgizýshisiniń maqsatty áreketteri, tapqyrlyǵy jáne belsendi azamattyq pozıtsııasynyń arqasynda bul qylmys «izi sýymaı» ashylǵanyn atap ótti.
