Astanada Tóle bı men Uly Dala qıylysyndaǵy jol bir aıǵa jabylady
ASTANA. KAZINFORM –– Astana qalasynda magıstraldi ınjenerlik jelilerdi tartýǵa baılanysty birqatar kóshe ýchaskelerinde kólik qozǵalysyna ýaqytsha shekteý engiziledi, dep habarlaıdy qala ákimdigi.
Astana qalasy Kólik jáne kólik ınfraqurylymyn damytý basqarmasynyń málimetinshe, Uly Dala dańǵyly men Tóle bı kóshesiniń qıylysynda sý qubyry, nóser jáne sharýashylyq-turmystyq kanalızatsııa jelilerin tartý jumystary bastalady. Jumystar «Roza Baǵlanova kóshesinen Uly Dala dańǵylyna deıin E-51 kóshesin salý» jobasy aıasynda júzege asyrylady.
- Osyǵan baılanysty 16 shilde men 16 tamyz aralyǵynda kórsetilgen ýchaskede kólik qozǵalysy ishinara shekteledi. Qozǵalys eki baǵytta bir jaq betimen kezeń-kezeńimen uıymdastyrylady, - delingen aqparatta.
Qala ákimdigi elorda turǵyndary men qonaqtaryna qozǵalys baǵyttaryn aldyn ala josparlaýǵa keńes beredi. Jol-qurylys jumystary kezinde týyndaıtyn ýaqytsha qolaısyzdyqtar úshin keshirim suralady.
Aıta keteıik, Almaty oblysynda jóndelmegen jolǵa narazy turǵyndar tasjoldy jaýyp tastaǵan.