Astanada Tóle bı kóshesiniń bir bóligi jóndeý jumysyna baılanysty jabyldy
ASTANA. KAZINFORM — Astanada «R. Baǵlanova kóshesinen Uly Dala dańǵylyna deıingi aralyqta Tóle bı kóshesin salý» jobasy aıasynda jol jumysy júrip jatyr, dep habarlaıdy elorda ákimdiginiń resmı saıty.
Jumysty aıaqtaý merzimi 28 tamyzǵa deıin uzartyldy. Osyǵan baılanysty Uly Dala dańǵyly men Tóle bı kóshesiniń qıylysyndaǵy jol ýchaskesi kólik qozǵalysy úshin tolyǵymen jabyldy.
Júrgizýshilerge tómendegi balama baǵyttardy paıdalaný usynylady:
• Turan dańǵylynan E 54 kóshesi arqyly Tóle bı kóshesine shyǵý;
• Uly Dala dańǵylynan jergilikti jol arqyly Tóle bı kóshesine ótý.
— Júrgizýshiler men jaıaý júrginshiler júrý baǵytyn aldyn ala josparlap, jol qozǵalysyn uıymdastyrýǵa engizilýi múmkin ózgeristerdi eskerýi qajet, — dep eskertti ákimdik.
Osydan buryn Pavlodardaǵy oıqy-shoıqy jol júk kólikterine shyǵyn keltirip otyrǵanyn jazǵanbyz.
