Astanada tolassyz qar jaýyp tur: Kóshe tazalaýǵa 1300-den astam arnaıy tehnıka shyqty

ASTANA. KAZINFORM – Qardyń mol bolýyna baılanysty elordanyń kommýnaldyq qyzmetkerleri táýlik boıy aýysymdyq rejımde jumys istep, qala kóshelerin qardan tazartady, dep habarlaıdy elorda ákimdiginiń resmı saıty.

1300-den astam arnaıy tehnıka men 2400-den astam jol jumysshy kúndizgi aýysymda kóshelerdi qardan tazartýǵa shyqty.

Eń aldymen, ereje boıynsha, joldarda keptelis bolmas úshin qozǵalysy qarqyndy tustar tazartylady. Sondaı-aq, ortasha qarqyndylyǵy bar ýchaskeler – alańdar, vokzal mańy, trotýarlar, áleýmettik nysandarǵa kirme joldar jáne t.b. qardan tazartylady.

Astanada bir apta ishinde 57 myń tekshe metrden astam qar shyǵaryldy, bul 4595 júk reısin quraıdy.

«Qazgıdromet» RMK derekteri boıynsha Astanada 11 qarashada kóshpeli bult, keıde qar, boran bolady. Ońtústik-batystan soqqan jeldiń jyldamdyǵy – 9-14 m/s. Aýa temperatýrasy túnde jáne kúndiz 2-4 gradýs aıaz, kúndiz odan ári tómendeıdi.