Astanada toqtaýsyz jaýǵan jaýyn sýynan keıingi retke keltirý jumystary 15 maýsymda aıaqtalady
ASTANA. QazAqparat - Astanada toqtaýsyz jaýǵan jaýyn sýynan keıingi retke keltirý jumystary júrgizilip jatyr, dep habarlady qalalyq ákimdiktiń baspasóz qyzmetinen.
Qazirgi tańda toqtaýsyz jaýǵan jaýyn-shashynnyń áserinen jeke turǵyn sektorlaryndaǵy úıler men aýlalarda jınalǵan sý qorlaryn, sonymen qatar, «AgroPromStroı» JShS merdiger uıymymen «Almaty» aýdanynda Ońtústik-shyǵys shaǵyn aýdanynyń Qundyzdy kóshesindegi jalpy araqashyqtyǵy 400 metr bolatyn jaýyn-sý kárizderi júıelerin abattandyrý arqyly jınalǵan sý qorlaryn sorý jumystary júrgizilip jatyr. Aǵymdaǵy jumysty ústimizdegi jyldyń 15 maýsymyna deıin aıaqtaý josparlanǵan. Eske sala keteıik, mamyr aıynyń ortasynda Astanada jaýyn-shashynnyń aılyq mólsherden tys jaýýy saldarynan elordanyń kommýnaldyq qyzmet túrleri birneshe táýlik boıy kúsheıtilgen rejımde jumys istedi. Buryn habarlanǵandaı, Astanada 5 sý tazartý ǵımaraty salynyp jatyr, taǵy 8-i jobalaný ústinde.
