Astanada toǵyz aı ishinde 2,2 mln. adam halyqaralyq áýejaı qyzmetin paıdalanǵan
ASTANA. QazAqparat - Bıyl Astana halyqaralyq áýejaıynda jolaýshylar aǵyny 10,5 paıyzǵa ulǵaıǵan. Taratylǵan málimetterge sáıkes, ústimizdegi jyldyń toǵyz aıynda 2,2 mıllıon sheteldik jáne otandyq azamat áýejaı qyzmetin paıdalanǵan. Sonyń ishinde 1,2 mıllıonnan astam adam memleket ishindegi baǵyttarmen ushqan.
Ótken jyldyń sáıkes merzimimen salystyrǵanda bul kórsetkish 6 paıyzǵa artqan. Astanalyqtar kóbinese Almaty, Shymkent jáne Aqtaý qalalaryna barady. Al halyqaralyq reısterge toqtalsaq, jyl basynan beri jolaýshylar sany 900 myń adamnan asqan, bul 2013 jylǵy sáıkes merzimmen salystyrǵanda 17,6 paıyzǵa joǵary.
Halyq Frankfýrt, Ystambul jáne Ábý-Dabı qalalaryna jıi barady. Astana qalasy áýejaıynyń habarlaýynsha, reısterdiń keshigý kórsetkishi de 2 paıyzǵa tómendep, reısterdiń jıiligi men jańa baǵyttardyń ashylýy kóbeıip otyr, dep habarlaıdy astana.kz.
