Astanada toǵyz avtobýs baǵytynyń qozǵalysy ýaqytsha ózgerdi

ASTANA. KAZINFORM – Elordada toǵyz avtobýs baǵytynyń qozǵalys syzbasy ýaqytsha ózgerdi. Bul týraly City Transportation Systems kompanııasynyń baspasóz qyzmeti habarlady.

Ýaqytsha ózgergen baǵyttar: №7, 39, 41, 43, 45, 53, 81, 120 jáne 120A.

Sonymen qatar «Orda bazary», «Kók bazary», «Magným gıpermarket» aıaldamalaryna baratyn jol jabyq. Osyǵan baılanysty №59, 307 jáne 317 avtobýstar atalǵan aıaldamalarda jolaýshylardy otyrǵyzý jáne túsirýdi ýaqytsha toqtatty.

Marshrýttardyń jańartylǵan qozǵalys syzbalaryn myna jerden kórýge bolady.

Buǵan deıin habarlanǵandaı, Astanada LRT-nyń ekinshi quramy qoıyldy.